Para alǵan polıtseı aıyppul tólep qutyldy

NUR-SULTAN. QazAqparat - Aqmola oblysynda para alǵan polıtsııa qyzmetkerine sot úkimi shyqty. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.

«Aqmola oblysynyń sybaılas jemqorlyqqa qarsy qyzmeti Kókshetaý qalalyq polıtsııa basqarmasy krımınaldyq polıtsııa bóliminiń qyzmetkeri Áýbákirovke qatysty alaıaqtyq faktisi boıynsha sotqa deıingi tergeýdi aıaqtady», - dedi ol.

Agenttik tergeýshisiniń dereginshe, ol Kókshetaý qalasynyń turǵynyn qylmystyq jaýapkershilikke tartpaǵany úshin 50 myń teńge somasynda zańsyz aqshalaı syıaqy alý kúdigine ilikken.

«Osy jyldyń 19 aqpanynda Kókshetaý qalalyq sotynyń sheshimimen oǵan 375 myń teńge kóleminde aıyppul salyndy»,- dedi Qaısar Barjaqsynov.