Para alǵan «Pavlodar» ÁKK Áleýmettik damý korporatıvtik qorynyń bas dırektory sottaldy

PAVLODAR. QazAqparat - Pavlodar oblysynyń Sybaılas jemqorlyqqa qarsy qyzmeti sybaılas jemqorlyq qylmys jasady degen kúdik boıynsha «Pavlodar» ÁKK» UK» AQ Áleýmettik damý korporatıvtik qorynyń (Oblys ákimdiginiń 100% qatysý úlesi) Bas dırektory B. Q. Dúısembaevqa qatysty tergeýdi aıaqtady, dep habarlaıdy QazAqparat atalmysh vedomostvonyń baspasóz qyzmetine silteme jasap.

Ol buryn aıaqtalmaǵan áleýmettik nysandy baǵalaý boıynsha qyzmet kórsetý týraly kelisimshart jasasqany úshin kásipkerlerden 500 myń teńge kóleminde para aldy dep kúdiktelgen.

Pavlodar qalasynyń №2 sotynyń úkimimen B. K. Dúısembaev para alǵany úshin kináli dep tanylyp, oǵan 15 mln teńge kóleminde aıyppul salyndy jáne memlekettik qyzmette qyzmet atqarýǵa ómir boıy tyıym salyndy.