Para alǵan memqyzmetshi para bergen adamnan úsh ese artyq aıyppul tóleıtin boldy
ASTANA. QazAqparat - Pavlordar oblysynda para bergen jáne para alǵan azamattar sottaldy, dep habarlaıdy QazAqparat tilshisi QR Memlekettik qyzmet jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Resmı aqparatqa sáıkes, ústimizdegi jyly Pavlodar oblysynda jeke tulǵalardyń laýazymdy tulǵalarǵa zańsyz materıaldyq syılyq berý faktisi boıynsha 3 fakt, al memlekettik qyzmetshilerdiń zańsyz materıaldyq syılyq alýy boıynsha 2 fakt anyqtaldy. Atalǵan ister Pavlodar qalasynyń mamandandyrylǵan ákimshilik sotynda qaraldy. Osylaısha, memlekettik qyzmetshilerge syılyq usynǵan úsh kináli tulǵanyń ár qaısysyna 200 AEK aıyppul salynsa, para alǵan bir memlekettik qyzmetshiniń jalǵyz ózi 600 AEK, ıaǵnı 1 361 400 teńgeniń aıyppulyn tóleýge mindetteldi. Qazirgi kezde taǵy bir memlekettik qyzmetshiniń týra sondaı isi sottyń qaraýynda jatyr.
Aıta keteıik, zań boıynsha memlekettik qyzmetti atqarý kezinde alynǵan syılyqtar 7 kúnniń ishinde arnaıy memlekettik qorǵa tapsyrylýy shart.
