Para alǵan Qyzyljar orman sharýashylyǵy mekemesiniń dırektory sottaldy

PETROPAVL. QazAqparat – «Qyzyljar orman sharýashylyǵy» KMM dırektory para alǵany úshin sottaldy, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

QR Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti «Qyzyljar orman sharýashylyǵy» KMM dırektory V.Peganovqa qatysty sotqa deıingi tergeýdi aıaqtady.

V.Peganov óńirdegi kásipkerlerden aǵash kesý jáne áketýge ruqsat berý úshin 1 mln 231 myń teńge para aldy dep kúdiktelgen.

15 tamyzda Petropavl qalalyq sotynyń sheshimimen V.Peganov alty jylǵa sottaldy. Ol jazasyn qaýipsizdigi tómen qylmystyq-atqarý júıesiniń mekemesinde óteıdi.

Sottalýshy memlekettik qyzmette jáne jergilikti ózin ózi basqarý organdarynda qyzmet atqarý quqyǵynan ómir boıy aıyryldy.