Para alǵan qostanaılyq sheneýnik úsh jylǵa sottaldy
QOSTANAI. QazAqparat - Qostanaıda jolaýshylar kóligi jáne avtomobıl joldary basqarmasy» memlekettik mekemesiniń tehnıkalyq qadaǵalaý bóliminiń basshysy sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, 2018 jyly qyrkúıek aıynyń sońynda Ulttyq bıýro Qostanaı oblysy boıynsha departamentimen «Qostanaı oblystyq ákimdiginiń jolaýshylar kóligi jáne avtomobıl joldary basqarmasy» memlekettik mekemesiniń tehnıkalyq qadaǵalaý bóliminiń basshysy A. qylmys ústinde ustaldy. Ol uzaqtyǵy 71 kılometr «Qostanaı aýdanyndaǵy oblystyq mańyzy bar avtomobıl joldaryn aǵymdaǵy jóndeý» nysany boıynsha atqarylǵan jumystar aktisine qol qoıý úshin bir JShS dırektorynan deldal arqyly 4 mln 300 myń teńge para alǵandyǵy úshin kúdikke ilindi.
«Sondaı-aq A. 5 mln. teńgeden astam somaǵa kásiporyndardyń biriniń jumysy týraly jalǵan málimetter engizý jolymen oryndalǵan jumystardyń kórineý jalǵan aktilerin jasaǵan, al naqty jumystar tolyq kólemde oryndalmaǵan. Alaıda A. ustalyp, atalǵan qylmys sońyna deıin jetkizilmegen. Qostanaı qalasynyń №2 sotynyń úkimimen A. QR QK 366 babynyń 2-bóligi jáne 24 babynyń 3-bóligi, 189 babynyń 3 bóligi, 1,2 tarmaǵy boıynsha aıypty dep tanyldy. Oǵan 3 jyl bas bostandyǵynan aıyrý jazasy taǵaıyndaldy. Sonymen qatar memlekettik qyzmetke ornalasý quqyǵynan ómir boıyna shettetildi», - delingen oblystyq sottyń habarlamasynda.
Úkim zańdy kúshine engen joq.
