13:05, 25 Qazan 2018 | GMT +5
Para alǵan qostanaılyq prokýror 2 aıǵa qamaldy
QOSTANAI. QazAqparat - Para aldy degen kúdikpen ustalǵan Qostanaı oblysy Taran aýdanynyń prokýrory Meıirhan Shalabaev 2 aıǵa qamaýǵa alyndy, dep habarlaıdy QazAqparat oblystyq sottyń baspasóz qyzmetine silteme jasap.
19 qazan kúni Taran aýdanynyń prokýrory Meıirhan Shalabaev jergilikti kásipkerge «qamqorlyq» kórsetý úshin 750 myń teńge para alyp jatqan kezinde qolǵa túsken bolatyn.
Qostanaı oblysy sotynda habarlaǵandaı, endi Meıirhan Shalabaevqa qatysty sanktsııa boıynsha ol 2 aı merzim qamaýda otyrady. Eks-prokýrordyń isi QR QK 366-baby («Іri kólemde para alý») boıynsha qaralady.
Qazirgi ýaqytta sotqa deıingi tergeý amaldary júrgizilip jatyr.