Para alǵan Qarjylyq monıtorıng agenttiginiń eki qyzmetkeri sottaldy
Agenttiktiń málimdeýinshe, vedomstvo óz qataryndaǵy buzýshylyqtarǵa qarsy turaqty kúres júrgizedi jáne kez kelgen quqyqqa qarsy áreketterdiń jolyn kesedi.
«Agenttiktiń Jeke qaýipsizdik departamenti Túrkistan oblysy boıynsha aýmaqtyq departamenttiń eki qyzmetkeriniń dáleldemelerdi burmalaǵany úshin para alý deregin anyqtady. Eki qyzmetker Sadyqov pen Shoraev, qyzmet babyn paıdalana otyryp, alkogol ónimderin ruqsat qujatsyz jáne jalǵan esepke alý-baqylaý markasymen satý boıynsha zańsyz kásipkerlik qyzmet deregin jasyrýǵa járdemdesken», delingen habarlamada.
Olar aldyn ala sóz baılasý arqyly kinásiz kýágerdi ákimshilik jaýapkershilikke tarta otyryp, naqty kinálige qatysty qylmystyq isti zańsyz toqtatqan.
«Qylmystyq istiń derekterin burmalaǵany úshin Sadyqov pen Shoraev 500 myń teńge kóleminde aqshalaı syıaqy alǵan. Qyzmetkerler sottaldy», delingen habarlamada.
Vedomstvo qarjylyq monıtorıng organdary qyzmetkerleri tarapynan quqyqqa qarsy áreketke tap bolsa +7 (7172) 708 478 telefonyna qońyraý shalýdy nemese dsb@afmrk.gov.kz poshtasyna jazýdy suraıdy.
