Para alǵan elordalyq 3 polıtsııa qyzmetkeri tutqynǵa tústi
ASTANA. QazAqparat - QR Sybaılas jemqorlyqqa qarsy is-qımyl ulttyq bıýrosy birqatar laýazymdy tulǵanyń jemqorlyq qylmysyn áshkereledi, dep habarlady vedomstvonyń baspasóz qyzmetinen.
Atap aıtqanda, ishki ister organdarynyń málimetter bazasyna tirkelgen jazbany alyp tastaý úshin 195 myń teńge kóleminde para alǵan Astana qalalyq ІІD Saryarqa aýdandyq ІІB-niń jedel ýákili A.Erejepov ustaldy. Qazirgi ýaqytta ol QR QІJK 128-shi babyna sáıkes Astana qalalyq ІІD oqshaýlaǵyshyna qamaldy.
Sonymen qatar mas kúıinde kólik basqarǵan jeke tulǵany ákimshilik jaýapkershilikke tartpaý úshin para alyp jatqan jerinen Astana qalalyq ІІD Ákimshilik polıtsııa basqarmasynyń jol sholǵynshy polıtsııasy aǵa ınspektory B.Bahymbekov pen ıspektor N.Syzdyqov ustaldy.
