Para alǵan eki áskerı qyzmetshi bas bostandyǵynan aıyryldy
AQTÓBE. KAZINFORM — ІІM Batys óńirlik áskerı-tergeý basqarmasynyń bastyǵy Muhıt Djavgashev 9 jylǵa, Batys óńirlik áskerı-tergeý basqarmasy tergeý tobynyń aǵa tergeýshisi Ashat Sadýakasov 8 jylǵa bas bostandyǵynan aıyryldy. Ekeýi de Qylmystyq kodekstiń «Para alý» baby boıynsha kináli dep tanyldy.
Іs Aqtóbe garnızonynyń áskerı sotynda qaraldy. Sottalýshy Muhıt Djavgashev Jambyl oblysy Qordaı aýdany Otar stantsııasynda dúnıege kelgen. Joǵary bilimdi. ІІM Batys óńirlik áskerı-tergeý basqarmasynyń bastyǵy qyzmetin atqarǵan. Al sottalýshy Ashat Sadýakasov Jetisý oblysy Taldyqorǵan qalasynda dúnıege kelgen. Úılengen, bilimi joǵary, buryn sottalmaǵan. Ol Batys óńirlik áskerı-tergeý basqarmasy tergeý tobynyń aǵa tergeýshisi qyzmetin atqarǵan.
— Muhıt Djavgashev Qylmystyq kodekstiń 366-baby 3-bóligi 1, 2-tarmaqtarynda kórsetilgen qylmysty jasaǵany úshin kináli dep tanylsyn. Memlekettik qyzmette, sýdıa qyzmetinde, jergilikti ózin-ózi basqarý qyzmetinde, Ulttyq bankte, qarjy salasynda, memlekettik uıymdarda, kvazımemlekettik sektor sýbektilerinde laýazymdy qyzmet atqarý quqyǵynan ómir boıyna aıyra otyryp, 9 jylǵa bas bostandyǵynan aıyrý jazasy taǵaıyndalsyn. Jazasyn qylmystyq atqarý júıesiniń ortasha qaýipsizdik mekemesinde ótesin. Polkovnık áskerı sheninen aıyrylsyn. Ashat Sadýakasov Qylmystyq kodekstiń 366-baby 3-bóligi 1,2-tarmaqtary negizinde kináli dep tanylsyn. 8 jylǵa bas bostandyǵynan aıyrý jazasy taǵaıyndalsyn. Jazasyn qylmystyq atqarý júıesiniń ortasha qaýipsiz mekemesinde óteý belgilensin. Ashat Sadýakasov ádilet aǵa leıtenanty áskerı sheninen aıyrylsyn, — dedi Aqtóbe garnızonynyń áskerı sotynyń sýdıasy Aıdana Mambetkazıeva.
Sot sheshimimen eki sottalýshy da jábirlenýshilerdiń ótemaqy qorynan 20 AEK kóleminde, ıaǵnı 73840 teńge óndirilýi tıis. Sýdıa Aıdana Mambetkazıevanyń aıtýynsha, jábirlenýshi usynǵan 700 myń teńge úkim zańdy kúshine engen soń ıesine qaıtarylýy kerek.
Eske salsaq, jyl basynan beri qarýly kúshter qatarynan bás tigip, qumar oıynǵa qyzyqqan jeti áskerı qyzmetker qyzmetinen shettetildi. Bul týraly Qorǵanys mınıstrligi Áskerı polıtsııa bas basqarmasynyń profılaktıka basqarmasynyń bastyǵy Ertaı Eralın málim etti.