Para alǵan degen kúdikpen BQO sportynyń basshysy ustaldy
ORAL. QazAqparat - 14 jeltoqsan kúni sybaılas jemqorlyqqa qarsy is-qımyl jónindegi Ulttyq bıýro BQO boıynsha departamentiniń qyzmetkerleri para alǵany úshin BQO dene shynyqtyrý jáne sport basqarmasynyń basshysy T.Shaıahmetov pen osy basqarmanyń bólim basshysy A.Ishanovty ustady, dep habarlaıdy QazAqparat tilshisi.
BQO prokýratýrasynyń baspasóz qyzmetinen túsken málimetke qaraǵanda, atalǵan derek boıynsha QR QK 366-baby 3-bólimi 2-tarmaǵyna sáıkes sotqa deıingi tergeý jumystary bastaldy.
Qazirgi kezde qajetti tergeý amaldary júrgizilýde.
Sotqa deıingi tergeý barysy oblys prokýratýrasynyń baqylaýyna alyndy.
Aıta keteıik, Tımýr Shaıahmetov atalǵan qyzmetke bıylǵy 3 tamyzda taǵaıyndalǵan bolatyn.
