Para alǵan bas maman 26 mln teńge aıyppul tóleıdi

NUR-SULTAN. QazAqparat – Nur-Sultan qalalyq kóliktik baqylaý ınspektsııasynyń bas mamany S. Aıdarkenov para alǵany úshin aıyptaldy, dep habarlaıdy QazAqparat tilshisi.

«Nur-Sultan qalasynyń Sybaılas jemqorlyqpen kúres qyzmeti iri gabarıtti tasymaldaý sýbektilerine jalpy qamqorlyq jasaý úshin olardan júıeli túrde para alý kúdigi boıynsha «Nur-Sultan qalalyq kóliktik baqylaý ınspektsııasy» RMM-niń bas mamany S. Aıdarkenovke qatysty tergeýdi aıaqtady», - dep atap ótedi Jemqorlyqpen kúres qyzmetiniń baspasóz qyzmetinen.

Vedomstvonyń málimetinshe, 3 jeltoqsanynda № 2 Baıqońyr aýdandyq soty úkimimen C.Aıdarkenov birneshe ret para alǵany úshin kináli dep tanyldy. Ol ómir boıy memlekettik qyzmette laýazym atqarý quqyǵynan aıyryldy jáne 26 mln 250 myń teńge aıyppul tóleıtin bolady.