Para alǵan aýdan prokýrory 4 jylǵa sottaldy

NUR-SULTAN. QazAqparat – Aqmola oblysy Qorǵaljyń aýdanynyń burynǵy prokýrory D. Omar 4 jylǵa bas bostandyǵynan aıyryldy, dep habarlaıdy QazAqparat tilshisi Sybaılas jemqorlyqqa qarsy qyzmetke silteme jasap.

Buǵan deıin Sybaılas jemqorlyqqa qarsy qyzmet Aqmola oblysy Qorǵaljyń aýdanynyń prokýrory D.Omarǵa qatysty para aldy degen kúdikpen sotqa deıingi tergeý júrgizgen bolatyn. Bul faktini Sybaılas jemqorlyqqa qarsy qyzmet QR Bas prokýratýrasynyń Іshki tergeýler departamentimen birlesip anyqtaǵan.

«D.Omar Qorǵaljyń qoryǵynyń basshysy A.Seksenbıevten 23 mıllıon teńge aqsha rezerviniń kassada zańsyz bolý faktisin óz qorytyndysynda kórsetpegeni úshin 5 mıllıon teńge mólsherinde para alýǵa tyrysty dep kúdiktelgen. Osy jyldyń 9 jeltoqsanynda Nur-Sultan qalasy Baıqońyr aýdandyq №2 aýdandyq sotynyń úkimimen D.Omar 4 jylǵa bas bostandyǵynan aıyryldy», - dep atap ótedi vedomstvodan.

Sonymen qatar ol memlekettik qyzmette laýazym ıelený quqyǵynan jáne ádilet keńesshisi arnaýly ataǵynan ómir boıyna aıyrylǵan.