Papýa - Jańa Gvıneıada qýaty 8,0 magnıtýdalyq jer silkinisi boldy
ASTANA. QazAqparat - Papýa - Jańa Gvıneıanyń Býgenvıl aralynda magnıtýdasy 8,0 bolatyn jer silkinisi boldy, dep habarlaıdy RBK Reuters agenttigine silteme jasap.
Jer dúmpýi araldyń ákimshilik ortalyǵynan 47 shaqyrym jerdegi Arava qalasynda sezilgen. Osyǵan baılanysty, Tynyq muhıty tsýnamıdi eskertý ortalyǵynyń habarlaýynsha, aldaǵy úsh saǵatta Papýa - Jańa Gvıneıa, Solomon araldary, Naýrý, Ponpeı, Kosrae, Vanýatý, Trýk jáne Indonezııa araldarynyń jaǵalaryna «asa qaýipti tsýnamı tolqyndary kelýi múmkin».
Zilzaladan zardap shekkender men kóz jumǵandar jaıly aqparat joq.
Ótken jyly 17 qazanda Papýa-Jańa Gvıneıa jaǵasynda jer silkindi. Ondaǵy magnıtýda 6,9 bolǵan edi jáne tsýnamı qaýpi jarııalanbady.
