Papýa-Jańa Gvıneıada 6,2 baldyq jer silkinisi boldy

ASTANA. KAZINFORM – Papýa-Jańa Gvıneıanyń Kokopo qalasynan shyǵysqa qaraı 114 shaqyrym jerde magnıtýdasy 6,2 baldyq jer silkinisi tirkeldi. Bul týraly russian.news.cn habarlady. 

Tabıǵı apat senbi kúni Grınvıch ýaqyty boıynsha 03:47-de boldy.

AQSh geologııalyq qyzmetiniń aldyn ala málimetteri boıynsha, jer silkinisiniń oshaǵy ońtústik endiktiń 4,71 gradýsy men shyǵys boılyǵynyń 153,24 gradýsynyń koordınattary bar núktede, al gıpotsentr 72,5 shaqyrym tereńdikte ornalasqan. 

Ázirge zardap shekkenderdiń sany naqtylanǵan joq.

Eske sala keteıik, buǵan deıin Mıanmadaǵy Mandalaı qalasynan soltústikke qaraı 60 shaqyrym jerde magnıtýdasy 5,2 baldyq jer silkinisi bolǵanyn jazǵan edik.