Pankratıonnyń WAFC nusqasy boıynsha Álem chempıonatynyń kezeńdik matchy qazaqstandyqtardyń jeńisimen aıaqtaldy
ALMATY. Aqpannyń 1-i. QazAqparat /Erlik Erjanuly/ - Pankratıonnyń WAFC nusqasy boıynsha Almatyda ótken álem chempıonatynyń Qazaqstan-Úndistan quramalary arasyndaǵy kezeńdik matchy 5:0 esebimen aıaqtaldy,
dep habarlaıdy QazAqparat.
Almaty qalasynyń ákimdigi men "Beıbarys-Profil" kásipqoı sport klýby uıymdastyrǵan bul sharada 7 jekpe-jek ótti. Onyń altaýy pankratıon, al bireýi kásipqoı boks sheberleri arasynda boldy. Tartysta ótken saıysta Qazaqstan namysyn qorǵaǵan sportshylardyń barlyǵy jeńiske jetti. Rıngke aldymen 90 keliden joǵary salmaqta baq synaıtyn Tólegen Aqylbekov pen qyrǵyzstandyq Azamat Bartabaev shyqty. Onyń jeńisti jolyn úndistandyq Taıat Ýtam, Sıýrdj Gıýrıýng, Bhart Handare, Satı Sanıl jáne Anap Kýmarmen bolǵan jekpe-jekterde Qazybek Áshimov (57 kg), Aslan Toqtarbaev (63 kg), Narıman Musaev (65 kg), Meıirman Qurmanálıev (70 kg), Begnar Amanbaev (60 kg) jalǵastyrdy. Sondaı-aq kásipqoı bokstaǵy 60,5 kelidegi 4 raýndtyq reıtıngtik kezdesýde Janqosh Turarov reseılik Stanıslav Berdnokovty upaı sanymen utty.
