Panfılovshylar batyrlary shyńynan alpınıst tikushaqpen evakýatsııalandy
ASTANA.KAZINFORM - TJM tikushaǵy 4 myń metrden astam bıiktikten alpınıstti evakýatsııalady.
Panfılovshylar batyrlary shyńyna (4120 m) uıymdastyrylǵan jappaı alpınıada barysynda 2008 jyly týǵan qatysýshylardyń biriniń jaǵdaıy nasharlaǵan.
Aldyn ala málimet boıynsha, zardap shegýshige jedel taý aýrýy men ókpe isinýi dıagnozy qoıylǵan.
Іs-shara barysynda qaýipsizdikti qamtamasyz etken Almaty qalasy TJD Qutqarý qyzmeti qutqarýshylary zardap shekken azamatqa jedel túrde alǵashqy dárigerge deıingi kómek kórsetip, ony Mánshúk Mámetova atyndaǵy №6 morenalyq kól aýmaǵyna deıin túsirdi. Odan ári qutqarý jumystaryn júrgizý jáne zardap shegýshini shuǵyl evakýatsııalaý úshin TJM «Barys» respýblıkalyq jedel-qutqarý jasaǵynyń qutqarýshylary men TJM «Qazavıaqutqarý» tikushaǵy jumyldyryldy.
Qutqarý bólimsheleriniń jedel ári úılesimdi áreketteriniń nátıjesinde zardap shegýshi «Medeý» tikushaq alańyna jetkizildi. Odan keıin Apattar medıtsınasy ortalyǵynyń qyzmetkerleri ony ári qaraı tekserý jáne emdeý úshin №12 qalalyq klınıkalyq aýrýhanaǵa jetkizdi.
Zardap shegýshiniń jaǵdaıy ortasha aýyrlyqta dep baǵalanyp otyr, esi anyq.
Evakýatsııalyq operatsııa sátti aıaqtaldy.
