Panfılov aýrýhanasyndaǵy jaǵdaıǵa baılanysty tekseris bastaldy
TALDYQORǴAN. KAZINFORM– Panfılov kópsalaly aýdanaralyq aýrýhanasy ujymynyń Memleket basshysyna joldaǵan beıneúndeýine baılanysty Jetisý oblysynyń Densaýlyq saqtaý basqarmasy resmı túsinikteme berdi.
Vedomstvo málimetinshe, beıneúndeýde kóterilgen syıaqy tóleý tártibi men bas esepshi jáne ekonomıstiń is-áreketterine qatysty jaǵdaıdy jan-jaqty qaraý maqsatynda basqarma basshysynyń buıryǵymen arnaıy komıssııa qurylǵan.
- Atalǵan másele boıynsha komıssııa tekseris júrgizip jatyr. Qorytyndysy boıynsha qoldanystaǵy zańnama sheńberinde tıisti sheshimder qabyldanatyn bolady, – delingen basqarmanyń habarlamasynda.
Buǵan deıin eki adamnyń óliminen keıin emshara kabınetterine tekseris bastalǵanyn jazǵanbyz.
Densaýlyq saqtaý mınıstrligi Jeke emshara kabınetterinde kórsetiletin medıtsınalyq qyzmetterdiń sapasy men qaýipsizdigin baqylaýdy kúsheıtedi.