Panfılov aýdanynda júgeri jınaý naýqany bastaldy
TALDYQORǴAN. QazAqparat - Almaty oblysynyń Panfılov aýdanynda júgeri jınaý naýqany bastaldy, - dep habarlaıdy QazAqparat tilshisi.
Panfılov aýdany ákiminiń baspasóz qyzmetiniń málimetinshe, bıyl alqapty óńirde qurǵaqshylyq bolsa da ótken jylǵydan 124 gektarǵa artyq ónim jınalmaq. 70 gektar alqaby kúıip ketken daqyldy aımaqtan dıqandar búginde ár gektaryna 64,1 tsentr júgeri alýdy josparlap otyr. Jalpy sharýalar 26059 gektar alqaptan 167,3 tonna sary daqyldy qoımaǵa baspaq.
«Bıylǵy jyly pandemııanyń dıqandarǵa keri áseri bolmady. Óıtkeni memlekettik baǵdarlamamen jeńildik toqtaǵan joq. Kerisinshe sharýa qojalyqtaryna jaqsy qoldaý kórsetildi. Bergisi bizdiń aýdanǵa 380 tonna dızel otyny berilip, tómen baǵamen satyldy»,-deıdi aýdandyq aýyl sharýashylyq bóliminiń basshysy Jumaǵazy Naımantaev.
Jyl basynan beri búginge deıin aýyl sharýashylyq salasyna 1 mlrd 20 mln teńgege ınvestıtsııa tartylyp, 48 dana tehnıka satyp alynǵan.
«Agrarlyq nesıe korporatsııasy» AQ arqyly 5 sharýa qojalyǵy jeńildikpen 305 mln 955 myń teńgeniń nesıesin alsa, 44 jeke seriktestik ıelerine 142,4 mln somanyń jeńildigimen qarjylaı qoldaý kórsetilgen», - delingen vedomstvonyń taratqan aqparatynda.
