Pandemııanyń jańa tolqyny bastalyp, 1 qyrkúıekten lokdaýn jarııalanady – feık

NUR-SULTAN. QazAqparat – Áleýmettik jelide Qazaqstanda pandemııanyń jańa tolqyny bastalyp, 1 qyrkúıekten lokdaýn jarııalanatyny týraly aqparat tarady. Bul – jalǵan, dep habarlaıdy QazAqparat stopfake.kz telegram kanalyna siltem jasap.

Bul aqparatty QR DSM sanıtarlyq-epıdemıologııalyq baqylaý komıteti joqqa shyǵardy.

«Syrqattanýshylyq azdap ósti, biraq epıdemıologııalyq jaǵdaı turaqty. Biz barshańyzdy vaktsına alýǵa jáne revaktsınatsııadan ótýge, qoǵamdyq oryndarda betperde taǵýǵa jáne múmkin bolsa, COVID-19 juqtyrmas úshin shet elderge sapar shekpeýge shaqyramyz. Karantındik sharalardy kúsheıtý nemese jeńildetý týraly sheshimdi Vedomstvoaralyq komıssııa qabyldaıdy. Qazirgi kezde karantın jarııalaý týraly másele qarastyrylyp jatqan joq», - dedi vedomstvonyń resmı ókili Erjan Baıtanaev.