Pandemııanyń munaı naryǵyna yqpaly aıqyn baıqalýda - sarapshy
«Munaı baǵasy aldaǵy birneshe aptada qandaı shamada bolady? Bul suraq qazir bárin mazalap tur. 200 myńnan astam adam jumys isteıtin Qazaqstannyń munaı servıstik naryǵyndaǵy jaǵdaı da osy suraqtyń jaýabyna táýeldi. Bir munaıshy – 3 nemese 4 munaı salasyna qyzmet kórsetýshiden keledi. Koronavırýs jaǵdaıyna baılanysty álemdegi munaı naryǵyndaǵy jaǵdaı ózgerip ketti. Bul Qazaqstannyń ekonomıkasyna aıtarlyqtaı áser etedi. Munaı baǵasynyń qazir barreline 28-29 AQSh dollary bolyp turýy – bálkim jaqsy baǵa kórinýi múmkin. Sebebi halyqaralyq sarapshylardyń taldaýyna súıensek, aldaǵy 3-4 aıda naryq óte kóp mólsherdegi munaıǵa tolyp ketedi», - dedi Almas Qudaıbergen OKQ-da ótken baspasóz máslıhatynda.
Kompanııanyń basqarma tóraǵasy ótken jyldyń sońynda munaıǵa degen álemdik suranys pen usynys kúnine 100 mln tonnalyq úılesimde bolǵanyn aıtyp ótti. ıAǵnı, kúnine 100 mln tonna munaı óndirilip, dál sol mólsherde satylyp ketip otyrǵan.
«Máselen IGS agenttigi 2020 jyldyń birinshi toqsanynyń qorytyndysy boıynsha naryqta artyq 1,3 mlrd barrel munaıdyń bolatynyn boljap otyr. Olardyń esebinshe 2015-2016 jyly munaı baǵasy tómendegen kezde artyq munaı kólemi 350 mln barrel ǵana bolǵan. Bul mólsher álbette baǵaǵa qysym kórsetedi. Árıne bul jaǵdaıǵa koronavırýsqa baılanysty ahýal áser etip tur. Máselen Qytaıda munaıdy tutyný deńgeıi 20 paıyzǵa tómendep ketti. Áýe qatynastary da 20-30 paıyzǵa qysqarǵanyn baıqadyq. IGS agenttigi osy jyldyń naýryzy men mamyry aralyǵynda Qytaı munaıdy tutyný deńgeıin 10 paıyzǵa qysqartatynyn boljaıdy», - dedi ol.
Almas Qudaıbergen OPEK+ 1 sáýirden bastap jumysyn toqtatatyndyqtan Saýd Arabııasy, Reseı, Irak sekildi elder munaı óndirisin arttyratynyn aıtady. Osy memleketterdiń munaı óndirisiniń qarqyn alýymen naryqta kúnine burynǵydan artyq 5-6 mln barrelden naryqqa quıylady.
«ıAǵnı kúnine 15 mln barrelden artyq munaı artyq bolyp qala bermek. Olar kúnige óndirile beredi de, satylmastan saqtalyp tura beredi. Pandemııanyń kesirinen suranys tártibiniń buzylyp ketýiniń saldary birinen keıin biri aıqyn kórinip jatyr. Odan da jaǵymsyz stsenarııler bar. Mysaly Dolche bank munaı barreliniń 25 dollarǵa túsetinin boljasa, Sberbank keshe tipti barreliniń 20 dollarǵa deıin túsetinin jarııalady», - dedi ol.
«Centrasia Group» kompanııasynyń basqarma tóraǵasy osy rette Qazaqstandaǵy munaı sektoryn memlekettik turǵyda qoldaý tetikteri ulǵaıatynyna senim bildirdi.
«Qarjy mınıstrligi keshe salyqtyq, múliktik salyqtan bosatý týraly habarlama taratty. Bul sharalar munaı servıstik ındýstrııasyna da qoldanylar degen senimdemiz. Sonymen qatar salyq boıynsha aıyppuldar men ósimpuldardy toqtata turý kerek degen oıdamyz. Munaı sektoryna qosymsha resýrstardy bólý máselesi qaralar degen senimdemiz», - dedi ol.
