Pandemııany jeńemiz, ol úshin barlyq jıynnan bas tartýymyz kerek - Rafael Gasanov
ALMATY. QazAqparat - Jurtshylyq Almatydaǵy kovıdke qarsy jańa sharalardy qoldaıdy, ınfektsııanyń taraýyn toqtatý mańyzdy. Bul týraly Facebook paraqshasynda respýblıkalyq arnaıy monıtorıngtik top tóraǵasynyń orynbasary Rafael Gasanov jazdy, dep habarlaıdy QazAqpart tilshisi.
«2021 jyldyń 21 naýryzynan bastap Almatyda karantın shekteýleri kúshine enedi. Bul - bizge eshqandaı da aýyrtpalyq alyp kelmeıtin, bárimizdiń qolymyzdan keletin sharalar. Vırýstyq ınfektsııanyń óte jyldam taralýyna baılanysty, biz bul tizbekti toqtatýymyz qajet», - dep jazdy Rafael Gasanov.
Sonymen birge, qoǵam ókili basqa qala turǵyndary sııaqty oǵan da merekelik sharalardan bas tartýǵa týra keletinin atap ótti.
«Ózimniń, dostarymnyń jáne olardyń jaqyndarynyń densaýlyǵyna qaýip tóndirýge quqyǵym joq. Sondaı-aq meniń jaqyndarym, áriptesterim jáne basqalary memleketimizge pandemııany eń bolmaǵanda, osy deńgeıde ustap turýǵa kómektesip, zań boıynsha ómir súrgen durys ekenin túsinedi»,-dep atap ótti ol.
Rafael Gasanov pandemııanyń bastalǵanyna bir jyl bolǵanyn eske saldy. Osy kezeńde koronavırýs ınfektsııasynan adam ólimimen aıaqtalǵan qaıǵyly jaǵdaılar da bar, olardyń arasynda Qazaqstan Azamattyq alıansynyń prezıdenti Saltanat Rahymbekova jáne Qazaqstan Azamattyq alıansynyń vıtse-prezıdenti Musaǵalı Dýambekov te bar.
«Jaqynda biz bárimiz birge osy juqpaly ınfektsııany jeńemiz dep úmittenemin. Ol úshin sál shydap, bárimiz barlyq jıynnan bas tarta bilýimiz kerek», - dep jazdy ol.
Aıta keteıik, Almatynyń bas sanıtar dárigeri qalada 21-28 naýryz aralyǵyndaǵy kezeńde qalada qatań shekteý sharalaryn engizgen bolatyn. Bul shekteýler juqtyrý mehanızmin, sonymen birge juqtyrý tizbegin ajyratý boıynsha sharalardy qabyldaýǵa múmkindik beredi.
