Pandemııamen tuspa-tus kelgen bul saılaý eshkimge ońaı bolmaıdy - Andreı Chebotarev
«Birinshiden, saılaý Parlament Májilisi men barlyq deńgeıdegi máslıhattardy merziminen buryn taratpaı, konstıtýtsııalyq turǵyda bekitilgen merzimde ótkeli otyr. Sońǵy ret merzimdi saqtaý tártibi 2003 (máslıhattardy saılaý) jáne 2004 jyldary bolǵan edi. Sol sebepti bul jaǵdaıda konstıtýtsııalyq quqyq saıası konıýnktýrny aınalyp ótti. Ekinshiden, parlamenttik jáne jergilikti saılaýlar úılesimdiligimen qatar proportsıonaldy negizde ótedi. Óz kezeginde bul jaǵdaı belsendilik pen nátıjelilikke qaraı partııalardyń elektoraldy reıtıngine qatty áser etedi. Úshinshiden saılaý jalǵasyp kele jatqan COVID-19 indeti men onyń saldarymen tuspa-tus ótkeli tur. Bir jaǵynan bılik bul rette sanıtarııalyq-epıdemıologııalyq sıpattaǵy belgili bir sharalardyń saqtalýyn qadaǵalaı otyryp, saılaýaldy sharalar men daýys berý rásimin ótkizýi kerek», - deıdi ol jelidegi paraqshasynda.
Sarapshynyń aıtýyna qaraǵanda saılaýdaǵy partııalyq quram 2016 jylǵydaı bolady. Qazirgi partııalar óziniń kún tártibin aıqyndap qoıǵan.
«Sondaı-aq bul saılaý eldegi bılik tranzıti protsesindegi kezekti ári mańyzdy kezeń bolmaq. Jalpy aıtqanda saılaý kampanııasy bastaldy. Pandemııa men qoǵamnyń kóńil-kúıine qatysty qazirgi faktorlardy esepke alsaq, bul saılaý ońaı bolmaıdy», - dedi ol.
Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.
«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.
