Pandemııamen kúres barysynda sanıtarlyq-epıdemıologııalyq qyzmet mamandary tabandylyq kórsetýde – Bekshın
Almaty qalasynyń memlekettik bas sanıtarlyq dárigeri Jandarbek Bekshınniń aıtýynsha, búgingi tańda álemdik indetke aınalǵan COVID-19 pandemııasyna qarsy kúresý barysynda sanıtarlyq- epıdemıologııalyq qyzmet mamandary tabandylyq kórsetýde.
«Osyndaı qıyn qystaý kezeńde Prezıdent sanıtarlyq -epıdemıologııalyq qyzmetti únemi qoldap, kún tártibiniń negizgi máselesi etip kórsetýi, sanepıd qyzmet salasy mamandaryn rýhtandyryp, halyqtyń densaýlyǵy úshin aıanbaı eńbek etýge jiger beredi»,– deıdi Jandarbek Bekshın.
Sonymen qatar, ol COVID-19 pandemııasy jaǵdaıy bıologııalyq qaýipsizdik máselesin áli de bolsa jetildirýdi qajet etetinin atap ótti.
«Osyǵan oraı Prezıdentimiz bıologııalyq qaýipsizdikke baılanysty zań ázirleý jóninde naqty tapsyrma berdi. Bul zańnyń qajettiligi sondaı, ol halyqtyń densaýlyǵy men sanıtarlyq epıdemıologııalyq salaýattylyǵyn arttyryp qana qoımaı, elimizdiń ekonomıkasyna oń áser eteri sózsiz. Sebebi, COVID-19 indeti halyqtyń densaýlyǵyna ǵana emes, memlekettiń ekonomıkasyna «STRESS» bolǵany belgili»,– deıdi ol.
Jandarbek Bekshın sanıtarlyq - epıdemıologııalyq qyzmetti qaıta qalpyna keltirip, onyń ókilettiligin kúsheıtý jáne vedomstvaaralyq baılanysty arttyrý boıynsha berilgen tapsyrma oryndaýǵa ázir ekenin aıtty.
« Men, óz tarapymnan osy salanyń kóp jylǵy basshysy jáne mamany retinde Prezıdenttiń sanıtarlyq-epıdemıologııalyq qadaǵalaý qyzmetin kúsheıtý jáne osynyń aıasynda jańa Komıtet qurý, sonymen qatar Bas memlekettik sanıtarlyq dárigerdiń ókilettigin kúsheıtý týraly kóterip otyrǵan máselesin jan-jaqty ári qyzý qoldaımyn.Prezıdenttiń bul sheshimi Qazaqstan halqynyń densaýlyǵyn jaqsartýyna birden-bir serpin bolatynyna men kámil senemin. Memleket basshysy atap kórsetkendeı, óziniń tıimdiligin dáleldegen modelge qaıta oralatyn kez jetti»,– deıdi Almaty qalasynyń memlekettik bas sanıtar dárigeri.
Jandarbek Bekshın bul reforma ýaqyt talabynan týyndap otyrǵanyn tilge tıek etti.
