Pandemııadan Pavlodar oblysy ekonomıkasynyń qandaı sektorlary zardap shekti
«Pandemııa jaǵdaıynda óńir ekonomıkasyndaǵy turaqty jaǵdaıdy saqtaý úshin Daǵdarysqa qarsy shtab quryldy. Osyǵan sáıkes, ekonomıkalyq ósimdi qalpyna keltirý jáne ony qoldaý boıynsha naqty sharalar aıqyndaldy.
Bıyl shaǵyn jáne orta bızneske aıtarlyqtaı qoldaý kórsetildi. Memlekettik baǵdarlamalar (BJK jáne Eńbek) arqyly 51 mlrd teńgeden astam qarajat ıgerildi. Bul shamamen 3366 sýbektiniń qyzmetin qoldaýǵa múmkindik berdi. ıAǵnı, qarajat óndiris úshin shıkizat satyp alý, qysqa merzimdi bereshekti óteý jáne taǵy da basqa qajettilikterge baǵyttaldy.
Salyq jeńildikterimen 13,8 myń kásipker qamtylyp, 674 sýbektiniń nesıe tóleýi toqtatyldy. Al 2653 kásipker jaldaýdan bosatyldy.
Aǵymdaǵy jyldyń 12 qazanynan bastap oblysta 21-30 jas aralyǵyndaǵy jas kásipkerlerge kepilsiz 5%-dyq syıaqy mólsherlemesimen nesıe berýdiń jańa «ZHAS-HALYK.ERTIS» baǵdarlamasy iske qosyldy. Bul jobaǵa «Halyq bank» jalpy kólemi 400 mln teńge bolatyn qarjy bóldi.
Pandemııa aımaqtyń damýyna teris áserin de tıgizdi. Jarty jyldyń qorytyndysy boıynsha ekonomıkalyq ósim qarqyny jyl basymen salystyrǵanda orta eseppen 1,7%-ǵa tómendedi. Degenmen, ónerkásip sektorynyń turaqty jumysy arqasynda aımaq aıtarlyqtaı shyǵynǵa ushyramady. 11 aıdyń qorytyndysy boıynsha ónerkásip salasyndaǵy ósim 0,8%-dy qurady», - dep málimdedi Pavlodar oblysy ákimdiginiń baspasóz qyzmeti.
Baspasóz qyzmetiniń dereginshe, Pavlodar oblysynda ekonomıkanyń saýda, kólik, qonaq úı bıznesi, qoǵamdyq tamaqtandyrý sııaqty sektorlary eń kóp zardap shekti. Bul salalar jalpy óńirlik ónimniń 35%-yn quraıdy. Saýdadaǵy kórsetkishter orta eseppen 4,5%-ǵa, al kólik sektoryndaǵy kórsetkishterdiń 23%-ǵa tómendegeni baıqalǵan.