Pandemııadan keıin ıAsaýı kesenesine aǵylǵan týrıster búginde kúrt azaıdy
TÚRKІSTAN. KAZINFORM — ıAsaýı kesenesine ótken jyly 400 myńnan astam týrıst keldi.
Túrkistan qalasynyń týrıstik áleýeti jyl saıyn artyp keledi. Máselen, ótken jyly tarıhı qalaǵa kelgen sheteldik týrıster sany 45 paıyzǵa kóbeıgen.
Túrki dúnıesiniń túpki tóri sanalǵan qalaǵa atbasyn burǵandardyń basym bóligin Ózbekstan azamattary qurap otyr.
Al, qaladaǵy «Áziret Sultan» ulttyq tarıhı-mádenı mýzeı-qoryǵyna 638 841 týrıst kelgen. Onyń ishinde 412 184 adam Qoja Ahmet ıAsaýı kesenesine kirip, tarıhı jádigerlermen tanysqan.
— Kelýshilerdiń negizgi bóligi — qazaqstandyqtar. TMD elderinen 10 635 (Ózbekstan, Ázerbaıjan, Reseı, Qyrǵyzstan, Tájikstan, Túrikmenstan) adam, alys shetelden 12 885 (Qytaı, Túrkııa, Úndistan, Pákistan, Iran, Germanııa, Italııa, Frantsııa, Japonııa) týrıst keldi. Bıyl jyl basynan beri ıAsaýı kesenesinde 17 518 adam, jalpy «Áziret Sultan» ulttyq tarıhı-mádenı mýzeı-qoryǵynda 21 618 týrıst tirkeldi, — delingen «Áziret Sultan» mýzeı-qoryǵynyń dırektory Máýlen Sadyqbekov usynǵan aqparatta.
Bıylǵy meımandardyń kóbi TMD elderinen, ıaǵnı Reseı, Ózbekstan, Qyrǵyzstan memleketterinen kelgen. ıAǵnı, bas-aıaǵy 169 adam.
Al, alys-jaqyn shetelden kelgen 166 adam — Túrkııa, Úndistan, Frantsııa, Italııa elderiniń azamattary.
Máýlen Sadyqbekov usynǵan aqparatqa kóz salsaq, sońǵy 5 jyl ishinde kesenege eń kóp kelgen týrıster 2021 jyly tirkelgenine kóz jetkizemiz. ıAǵnı, 1 mln 417 372 adam.
Al, qalǵan jyldary kelýshiler sany 1 mıllıonǵa jetpeıdi.
— Týrıster kesene aýmaǵynda «ıAsaýı mýzeıin», «Qylýet» jerasty meshitin, «Juma meshitin», «Shyǵys monshasyn», «Túrkistan tarıhy» mýzeılerin tamashalaı alady. Bıyl mýzeı-qoryq «ıAsaýıtaný-2025» respýblıkalyq oqýshylar baıqaýyn, «Zaman men mádenıet dıalogyndaǵy ıAsaýı murasy: gýmanıstik baǵyt-baǵdar men zamanaýı syn-qater» halyqaralyq sımpozıýmyn, Qoja Ahmet ıAsaýı murasy boıynsha kóshpeli kórmeler ótkizýdi, «Jas restavrator», «Jas arheolog», «Jas ekskýrsovod» úıirmeleriniń jumystaryn jalǵastyrýdy jáne taǵy basqa da jumystardy josparlap otyr, — deıdi mýzeı-qoryqtyń baspasóz qyzmetinen.
Aıta keteıik, budan buryn Túrkistan oblysyna 500 myńnan astam týrıst kelgenin jazǵan bolatynbyz.