Pandemııadan keıin álem ekonomıkasy qandaı bolady? - Foreign Policy
NUR-SULTAN. QazAqparat - Foreign Policy basylymy ekonomıka boıynsha Nobel syılyǵy ıegerleriniń pandemııadan keıingi álem ekonomıkasy týraly pikirin bildi, dep habarlaıdy QazAqparat.
«Pandemııa kezinde álem ekonomıkasynyń bolashaǵyn «belgisizdik» dep qana sıpattaýǵa bolady. Kásiporyndar men kompanııalar jumysyn jandandyra ma? Adamdar saıahatqa qaıta shyǵa ma? Úkimetter bólgen qarajat retsessııadan saqtaı ala ma? Osy suraqtardy birneshe sarapshyǵa qoıǵan edik», - dep jazady basylym.
Ekonomıst Djozef Stıglıtstiń aıtynsha, qazirgi tańda jahandaný men memlekettik ózin-ózi qamtý deńgeıinde balans saqtaý mańyzdy.
«Buryn ekonomıster óndiris pen energetıkalyq qaýipsizdik máselesine basa nazar aýdarý kerek degen pikirge kúletin. Olar jahandaný dáýirinde shekara mańyzdy bolmaıtynyn, basqa memleketter únemi kómekke keletinin alǵa tartatyn. Al qazir shekara jabyq. Memleketter óz elinde óndiriletin maskalarǵa muqtaj bolyp qaldy. Koronavırýs pandemııasynan týyndaǵan daǵdarys saıası jáne ekonomıkalyq birliktiń bazasy – memleket ekenin taǵy bir márte eske túsirdi», - deıdi Djozef Stıglıts.
Al Robert Shıllerdiń aıtýynsha, qazirgi jaǵdaı ózgeristerge múmkindik beredi.
«Pandemııa jańa joldar ashyp, tyǵyryqtan shyǵýdyń jańa quraldaryn izdeýge múmkindik jasady. Bul jaǵdaıda búkil álem madannyń bir jaǵynda qaldy. ıAǵnı, jańa halyqaralyq ınstıtýttar qurýǵa motıvatsııa paıda bolýy múmkin», - deıdi sarapshy.
