Pandemııadan buryn saıahatqa shyqqan teńizshi úıine oraldy
NUR-SULTAN. QazAqparat – Frantsııanyń Bretan aımaǵyndaǵy Sen-Ke portyna shkıper ıAn Keneniń ıahtasy oraldy. Ol úsh jyldan astam ýaqyt buryn sol jerden álemdi aınalyp shyǵýǵa attanyp, pandemııa bitkende jeńispen oraldy, dep habarlaıdy QazAqparat Euronews-ke silteme jasap.
Teńizshi garajynda jasap alǵan óziniń jelkendi qaıyǵymen saıahattady. Tórt metrlik qaıyǵy «Balıýshon» dep atalady, aýdarmasy taıaqqa baılap, ıyqqa asyp júretin túıinshek maǵynasyn bildiredi. Onyń shaǵyndyǵy sondaı, eń qajetti zattan artyq eshteńe syımaıdy.
Kene qandaıda bir rekord jasaý úshin emes, tek óziniń qalaýymen jolǵa shyqqanyn aıtady. Ol kele-sala kelesi saıahaty týraly oılastyryp úlgergen.
«Men jańa jelkendi qaıyq jasaǵym keledi. Kishkentaı, óte kishkentaı. Úlken kemelerdi asa unatpaımyn, olar «úlken», baısaldy adamdarǵa arnalǵan. Al, men ondaı emespin. Jańa qaıyqpen Kanadanyń soltústigine qystaýǵa baramyn. Ol jerde qalaı bolatynyn áli bilmeımin, biraq bul meniń jańa maqsatym: qysty qıyr soltústikte ótkizý».
Teńizshi saıahatta júrgen kezde pandemııa bastaldy jáne aıaqtaldy. Degenmen, indet onyń josparyna áser etpeı qoımady. Bastapqyda Kene qaıyǵyn kóliktiń tóbesine tıep, Avstralııany qurlyqpen kesip ótkisi kelgen. Biraq, shekaralardyń jabylýyna baılanysty teńiz arqyly aınalyp ótýine týra kelipti.
Foto: DAMIEN MEYER/AFP
