Pandemııada bastalǵan bebı-bým basyldy: Elde jańa týǵan sábılerdiń sany azaıyp keledi

ASTANA. KAZINFORM — 2024 jylǵy 1 qańtardaǵy jaǵdaı boıynsha elimizdegi halyq sany — 20 033 546 adam. Ulttyq statbıýro osyndaı málimet taratty. 

Onyń ishinde:

qala halqy — 12 451 004 adam
aýyl halqy — 7 582 542 adam

12 aı ishindegi halyqtyń jalpy ósimi — 266 739 adam.

2023 jyly Qazaqstanda 387,9 myń bala dúnıege keldi (2022 jyly — 403,5 myń sábı, 2021 jyly - 446,5 myń, 2020 jyly - 426,6 myń).

Onyń 200,3 myńy — ul, 187,6 myńy — qyz.

Týý kórsetkishi 1000 adamǵa shaqqanda — 19,50. 

Atalǵan kezeńde 130,6 myń adam qaıtys boldy, bul rette ólim-jitim koeffıtsıenti 1000 adamǵa shaqqanda 6,56 boldy.

Týýdyń eń joǵary deńgeıi Mańǵystaý (1000 turǵynǵa 26,78 adam), Túrkistan (26,11) oblystarynda jáne Shymkent qalasynda (25,68) baıqaldy.

12 aıda 1 jasqa tolmaǵan 3215 náreste qaıtys boldy.

2022 jylmen salystyrǵanda náreste óliminiń koeffıtsıenti tómendep, 1000 týǵanǵa 7,69 qurady (2022 jyl – 7,97).