Pandemııa jalpy jaǵdaıdy qaıta qaraýǵa májbúrlep otyr - sarapshy
NUR-SULTAN. QazAqparat – QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń sarapshysy Sabına Sadıeva Qazaqstandaǵy memlekettik saıasat júıesine júrgizilgen tájirıbelik zertteý qorytyndysyn jarııa ettidep habarlaıdy QazAqparat tilshisi.
«Zertteý barysynda biz kóptegen sheshim qabyldap, «aldymen adam» qaǵıdatynyń súzgisin engizdik. Memlekettik basqarý úshin bul qaǵıdattyń mańyzy qandaı? Birinshiden bul – dál osy qaǵıdattyń negizinde memlekettik saıasatty qalyptastyrý. Bul degenimiz qarapaıymdylyqty bildiredi. Naqtyraq aıtqanda memlekettiń kún tártibi Jalpy ishki ónimniń úlesin arttyrý báıgesin ekinshi kezekke qaldyra otyryp, negizgi ólshem retinde áleýmettik turmysty, ómirdiń sapasy men adamdardyń qanaǵattanýyn birinshi kezekke qoıady», - dedi sarapshy zertteý qorytyndysyn tanystyrý barysynda.
Sabına Sadıeva dál osy qaǵıdattar memlekettik josparlaý ádimtemesin qaıta qaraý sekildi kúrdeli jumystardy eńserýge ákeletinin jetkizdi.
«Memlekettik saıasat baǵdarlamalyq qujattardyń kómegimen tirkeledi. Qazir bizde bul qujattardy ázirleý erejesi qalyptasqan. Alaıda olarǵa nátıjege jetý quraldary jetispeıdi. Baǵdarlamalyq ári ózara yqpaldasý logıkasy azdaý. Ózgerister teorııasy men nátıjelerdi qurý izi degen bar. Osynyń bári memlekettik saıasattyń baǵyt-baǵdaryn aıqyndap, adamdardyń ólshemimen memlekettik saıasatqa baǵa berýge múmkindik beredi», - deıdi sarapshy.
Sabına Sadıeva koronavırýs pandemııasy josparlaýdyń joǵarǵy bóligindegi amal-ádisterdi qaıta qarastyrýǵa májbúrlep otyrǵanyn aıtyp ótti.
«Ózimiz qalaǵan ózgeristerdi tereńirek jazyp, solarmen ındıktorlardy túzgen kezdegi amal-ádis esepterdi basqarýda nátıjeni azdyǵyna ákep soǵady. Sol sebepti jolǵa qoıylǵan ınterventsııalar logıkasy ındıkatorlardyń ózinen de mańyzdy», - dep túıdi sarapshy.
