Pandemııa kezinde zardap shekken almatylyq kásipkerlerge qoldaý kórsetiledi

ALMATY. QazAqparat - Almaty qalasynyń ákimi Baqytjan Saǵyntaev buqaralyq aqparat quraldaryna arnalǵan onlaın brıfıngte aımaqtyq deńgeıde bıznes qoǵamdastyqty qoldaý maqsatynda olardyń qarjylyq turaqtylyǵyn qamtamasyz etýge múmkindik beretin keshendi sharalardyń daıyndalǵanyn aıtty, dep habarlaıdy QazAqparat tilshisi.

Baqytjan Saǵyntaev qoldaý sharalarynyń bıznes qaýymdastyqpen jáne «Atameken» kásipkerler palatasymen birge talqylatynyn atap ótti. Óńirlik pen qalalyq iskerlik keńesterdiń otyrystarynda kommýnaldyq tólem, jumys istemegen kezderdegi jaldaý aqysy boıynsha qaryzdardy joıý sharalary usynyldy.

«Kásipkerlerdi qoldaý jónindegi daıyndalǵan is-sharalar paketi orta kásipkerlik shyǵyndarda, kommýnaldyq tólemderdi tolyq sýbsıdııalaýdy, qoǵamdyq jumys oryndaryn qurýdy, memlekettik jáne kvazımemlekettik múlikti jaldaýdan bosatýdy, bazarlar men saýda úıleri, oıyn-saýyq ortalyqtarynda oryn jaldaýshylaryna jaldaý aqysynyń 30%-yn sýbsıdııalaýdy qarastyrǵan»,-dedi ákim.

Sonymen qatar, respýblıkalyq deńgeıde birqatar qoldaý sharalary daıyndaldy. Bul jumysy toqtaǵan bıznes salalarynyń salyqtan, tólemderden, qyzmetkerlerge áleýmettik tólemderdi berý, nesıelerdi tóleý keıinge shegerildi.