Pandemııa kezinde vaktsına egetin janýar tabýdyń ózi qıyn boldy - Mıras Dáýlenov

NUR-SULTAN. QazAqparat – QR Bilim jáne ǵylym vıtse-mınıstri otandyq vaktsına eń alǵash qandaı janýarǵa egilgenin aıtty, dep habarlaıdy QazAqparat.

Qazaqstandyq Qazcovid-in vaktsınasy eń alǵash sırııalyq atjalmandar men makakalarǵa egilgen. Bilim jáne ǵylym mınıstriniń orynbasary Mıras Dáýlenov atalmysh protsestiń bári qalaı uıymdastyrylǵanyn baıandap berdi.

«Kornavırýs ınfektsııasyna qarsy vaktsına daıyndaý jónindegi ǵylymı-tehnıkalyq baǵdarlama 3 jylǵa arnalǵan. Byltyr maquldanǵan bolatyn jáne qysqa merzimniń ishinde koronavıırýsqa qarsy 5 vaktsınanyń biri retinde byltyr daıyn boldy. Tıisti shtamm alynǵannan keıin 1,5 aıdyń ishinde jasap shyǵardyq», - deıdi vıtse-mınıstr.

Ol atalmysh vaktsınany klınıkaǵa deıingi synaqtan ótkizý kezinde janýar tappaı biraz qınalǵandaryn eske aldy. Óıtkeni DDSU talaby boıynsha vaktsınany kez kelgen janýarǵa synaýǵa bolmaıtyn.

«Vaktsına alynǵan kezeńde klınıkaǵa deıingi synaqtardy ınstıýttyń ózinde jasaýǵa daıyn boldyq. Dúnıejúzilik densaýlyq saqtaý uıymynyń talabyna saı bul zertteýler túrli janýarlarǵa jasaldy. Sonyń ishinde birinshi sırııalyq atjalmandar, keıin makakalar boldy. Pandemııa kezinde biz álem boıynsha bul janýarlardyń jetpeı jatqanyn sezindik. Úkimettiń qoldaýymen izdep, satyp alýǵa májbúr boldyq. Bul máselede Úkimet bizge belsendi kómektesti», - dedi Mıras Dáýlenov.