Pandemııa kezinde sottalǵandar mıllıonnan astam maska tikti – QR ІІM
«Ótken jyly koronavırýs pandemııasy bastalǵanda medıtsınalyq maskalardyń tapshylyǵy týyndady. Tipti dárihanalarda sóreler bos qalǵan edi. Al bizdiń kolonııalardy myńdaǵan tigin mashınasy turdy. Sondyqtan, kúrdeli kezeńde maska tigýdi qolǵa aldyq. Sonda bir aı ishinde mıllıonǵa jýyq maska tigildi. Onyń barlyǵyn Densaýlyq saqtaý mınıstrligi sertıfıkattaǵan», - dedi E. Turǵymbaev Habar telearnasyndaǵy «Ulttyq múdde» baǵdarlamasynda.
Mınıstrdiń aıtýynsha, sottalýshylar maskadan bólek, polıtsııa qyzmetkerlerine arnalǵan qorǵanys kombınezonyn tikken.
«Ózderińiz biletindeı, polıtseılerde qashyqtan jumys isteý bolǵan joq. Respýblıka boıynsha qalalar men oblys ortalyqtaryna, trassalarǵa 445 blokbeket qoıylǵan edi. Polıtseıler 24 saǵat boıy jumys istedi jáne olarda vırýstan qorǵaıtyn kostıým bolǵan joq. Sonda polıtseılerge arnalǵan jabyq kombınezon tigýdi bastadyq. Sonda bizdiń kolonııalardyń ónerkásiptik qýaty jetkilikti ekenin kórdik. Ony ári qaraı damytý qajet», - dedi E. Turǵymbaev.
Buǵan deıinmınıstr Qazaqstannyń 4 oblysynda jeke ınvestor esebinen jańa zamanaýı kolonııalar salynatynyn aıtqan edi. Jeke ınvestor memlekettik-jekeshelik áriptestik aıasynda kolonııa aýmaǵynda ónerkásiptik aımaq ashýǵa da mindetteledi.
