Pandemııa kezinde salynǵan modýldik aýrýhanalar qazir qandaı maqsatta paıdalanylady
ASTANA. QazAqparat – Ortalyq kommýnıkatsııalar qyzmetinde ótken brıfıngide Densaýlyq saqtaý mınıstrliginiń ókili COVID-19 ınfektsııasymen kúres úshin salynǵan modýldik aýrýhanalar qazir qandaı maqsatta qoldanylyp jatqanyn aıtty, dep habarlaıdy QazAqparat tilshisi.
«COVID-19 ınfektsııasymen kúres sharalary şeńberinde elimizdiń kóleminde 200 tósek-orynǵa arnalǵan modýldik aýrýhanalar salynǵan bolatyn. Búgingi tańda 14 óńirde 16 modýldik aýrýhana qyzmetin atqaryp jatyr. Koronavırýs juqtyrý kórsetkishiniń tómendeýine baılanysty óńirlerdiń qajettiligine qaraı qoldanylyp jatyr. ıAǵnı, ár oblysta qandaı beıin boıynsha tósek-oryn jetkiliksiz, sonyń negizinde modýldik aýrýhanalardy qoldanylýda. Máselen, Atyraý obystyq onkologııalyq ortalyqtyń tósek-oryndaryn aýystyryp, keıin ony perınataldyq ortalyqqa aınaldyrý josparlanýda. Al, Qyzylorda oblysynda bul modýldik aýrýhanalardyń tósek-oryndary onkologııamen aýyratyn naýqastardy emdeý úshin berildi», - dedi DSM Medıtsınalyq kómekti uıymdastyrý bóliminiń basshysy Ásel Qydyralıeva.
Onyń aıtýynsha, sanıtarlyq normalarǵa saı, zalalsyzdandyrý júrgizilgen soń, atalǵan modýldik aýrýhanalar ózge derti bar patsıentterdi emdeý úshin tıisti jaraqtandyrylyp, qaıta beıimdeledi.
