Pandemııa kezinde qazaqstandyqtar ár 5 teńgeniń eki teńgesin azyq-túlikke jumsaǵan
«Bólshek saýdanyń 60 paıyzy saýda kásiporyndary men uıymdaryna tıesili. Dástúrli rıteıldiń aýqymdy kólemi Almaty (3,4 trln teńge, shynaıy kórsetkishte 7,9 paıyzǵa tómendegen) jáne Nur-Sultan (1,3 trln teńge, shynaıy kórsetkishte 8,9 paıyzǵa tómendegen) qalalarynyń enshisinde. 1 trıllıon teńgelik shekten Shyǵys Qazaqstan men Qaraǵandy oblystary da asyp tústi. Qalǵan óńirlerde bólshek saýdanyń kólemi 170,5 mlrd teńgeden 708,3 mlrd teńgege deıin boldy» delingen zertteýde.
Bólshek saýda qurylymynda azyq-túlikke jatpaıtyn taýarlar áli de basymdyqqa ıe: 7,1 trln teńge (áıtse de bul kórsetkish 2019 jylǵy kórsetkishtiń uqsas kezeńimen salystyrǵanda 5,1 paıyz tómen).
Al azyq-túlik saýdasy byltyr aldyńǵy jylǵa qaraǵanda 17,9 paıyzdyq ósimdi kórsetip, 4,4 trln teńgege jetti.
Jalpy rıteılde azyq-túlik saýdasynyń úlesi 38,3 paıyzǵa (onyń aldynda 33,4 paıyz bolatyn) jetti.
«Karantın engizilgen aılarda saýda nysandarynyń birqatary jabylyp qalǵany belgili. Al azyq-túlik satatyn dúkenderdiń jumysy toqtaǵan joq. Bul jaǵdaı jalpy rıteılde azyq-túlik úlesiniń artqanyn kórsetti. Mysaly jalpy rıteılde azyq-túliktiń úlesi byltyr naýryzda 37,3 paıyzdy kórsetse, sáýirde 51,5 paıyzǵa jetti. Al mamyr-maýsym aılarynda 39,9, shildede 41,4 paıyzdyq deńgeıde boldy» delingen Finprom.kz málimetinde.
