Pandemııa kezinde dárigerlerge bólingen ústemeaqyny jymqyrǵan aýrýhana dırektory sottaldy

ASTANA. QazAqparat – Qaraǵandy oblysynyń Buqar Jyraý aýdandyq soty pandemııa kezinde dárigerler bólingen ústemeaqyny túrli qıturqylyqpen ıemdendi degen kúdikpen jaýapqa tartylǵan kúdiktilerge úkim shyǵardy, dep habarlaıdy QazAqparat tilshisi.

Qaraǵandy oblystyq sotynyń resmı saıtynda jazylǵan málimet boıynsha, tergeý kezinde ortalyq aýdandyq aýrýhana dırektory bolǵan áıel sybaılasymen birge medıtsına qyzmetkerlerine tólenýge tıis bolǵan ústemeaqy aqshasyn jymqyrǵany belgili bolǵan.

Prokýror sýdıadan aýrýhana basshysyn múlkin tárkilemeı-aq, 6 jyl bas bostandyǵynan aıyrý jáne ómir boıy memlekettik qyzmette isteýge tyıym salý jazasyn berýdi suraǵan. Sýdıa kúdiktiniń áreketinde qylmysty aýyrlatatyn jaıttar joq dep uıǵaryp, kishkene balasy bar ekenin jáne ózi keltirgen shyǵyndy tolyqtaı ótegenin eskerip, 3 jyl 6 aı merzimge bas bostandyǵynan aıyrý jazasyn belgiledi. Sottalýshy kesilgen merzimdi qylmystyq atqarý júıesiniń qaýipsizdik deńgeıi ortasha mekemesinde óteıtin boldy jáne ómir boıy memlekettik qyzmette isteý quqyǵynan aıyryldy.

Al onymen syıbaılas bolǵan kúdikti memlekettik qyzmette jumys isteý quqyǵynyn aıyrylyp, 3 750 000 teńge kóleminde aıyppul tóleıtin boldy. Bul somany ol eki jyldyń ishinde erikti túrde óteýge tıis.