Pandemııa kezinde 80 myń almatylyqqa kómek kórsetildi
Almatyda shamamen 28 iri volonterlik uıym jumys isteıdi. Olardyń qatarynda «Eriktiler lıgasy», «LLIDER.kz», «SOS komandasy», «Almaty Volunteers» jáne taǵy basqalary bar. Bul uıymdar 50 myńnan astam volonterdi qataryna tartqan.
Baǵdat Anarbaevanyń sózinshe, pandemııa kezinde qalanyń túrli volonterlik uıymdary birigip, kúsheıtilgen jumys júrgizdi, memlekettik organdardyń jumysyna járdemdesip, Almaty turǵyndaryna jan-jaqty kómek kórsetti.
«Igi iske stýdentten bastap qart adamdarǵa deıin qalanyń barlyq turǵyndary, jastar uıymdary men úkimettik emes uıymdar tartyldy, olardyń arasynda birqatar uıymdardy atap ótýge bolady. Mysaly, «Almaty Meıirimdiler klýby» qoǵamdyq birlestigi karantın kezeńinde jáne búgingi kúnge deıin qalanyń jáne jaqyn mańdaǵy aýyldardaǵy az qamtylǵan kópbalaly otbasylaryna 1 200 azyq-túlik sebetin jınap, jetkizdi. Sonymen qatar, qarttar úıindegi 310 adamǵa kómek kórsetildi»,– dedi spıker.
Karantın kúsheıtilgen kezde klýb eriktileri 80 juqtyrý oshaǵyna jetekshilik etti, únemi qashyqtyqtan baılanysta boldy jáne qajetti azyq-túlik pen dári-dármekterdi únemi jetkizip otyrdy.
Oqý jylynyń basynda 200 oqýshyǵa keńse zattary taratyldy. Qys mezgiline qaraı 15-ke jýyq kópbalaly otbasy men jalǵyz basty qarııalarǵa kómir túsirip berdi.
«Tótenshe jaǵdaı kezinde medıtsınalyq eriktiler qalanyń karantındik jáne provızorlyq statsıonarlarynda kómek kórsetti, shet elderden otandastaryn qarsy aldy, karantın týraly túsindirý jumystaryn júrgizdi, epıdemııalyq anamnez jınady jáne PTR ádisimen koronavırýs ınfektsııasynyń bar-joǵyn anyqtaýǵa taldaý jasaýǵa kómektesti.Sonymen qatar, 50-ge jýyq medıtsınalyq volonter qalanyń modýldik juqpaly aýrýlar aýrýhanasy, PTR-zerthanalary men provızorlyq ortalyqtaryna jumysqa tartyldy»,– dedi Baǵdat Anarbaeva.
Qalada pandemııa kezinde qaıyrymdylyq jáne volonterlik uıymdar, sonymen birge, qalalyq demeýshiler, metsenattar jáne kásipkerler 80 myńnan astam muqtaj adamǵa jalpy somasy 1,9 mlrd teńgege kómek kórsetti.