Pandemııa kezeńinde bıotehnologııa salasyndaǵy ǵylymı zertteýler úsh ese artty
2020 jyldyń birinshi toqsanynda ǵylymı zertteýler men ázirlemeler salasyndaǵy qyzmetter 19,1 mlrd teńgeni qurady, bul ótken jylmen (91,2%) salystyrǵanda 6,9%-ǵa az.
Barlyq kórsetilgen qyzmettiń 62,3%-y Almatyǵa tıesili, bul – 11,9 mlrd. teńgeni qurady. Atalǵan kórsetkish ótken jylmen birdeı. 12,5%-y Shyǵys Qazaqstan oblysyna al 9,9%-y Nur-Sultan qalasyna tıesili.
Osy saladaǵy barlyq qyzmettiń 86,4%-yn quraıtyn jaratylystaný jáne ınjenerııa salasynda eń kóp qarajat geologııalyq saladaǵy ǵylymı-zertteý, tájirıbelik-ádistemelik jáne tájirıbelik-konstrýktorlyq jumystarǵa 1,1 mlrd teńge bólindi. 1,1 mıllıard teńge bıotehnologııa salasyndaǵy ǵylymı-zertteý jáne tájirıbelik-konstrýktorlyq jumystarǵa jumsaldy. Munda ınvestıtsııalardyń qarqyndy ósýi baıqalady. Qyzmet kórsetý kólemi ótken jyldyń birinshi toqsanyna qaraǵanda 3,3 esege ósti.
Bilim jáne ǵylym mınıstri Ashat Aımaǵambetov COVID-19-ǵa qarsy qazaqstandyq vaktsına 2020 jylǵy qyrkúıekte klınıkalyq synaqqa alynýy múmkin ekenin málimdedi.
Mınıstrdiń aıtýynsha, Qazaqstanda bıologııalyq qaýipsizdik jáne bıotehnologııa salasynda júıeli túrde ǵylymı zertteýler júrgiziledi. Atalǵan salada 12 ǵylymı uıym, 2,5 myńǵa jýyq adam jumys isteıdi. Búgingi tańda elimizdiń 19 joǵary oqý ornynda osy salanyń 4 myńǵa jýyq bolashaq mamany bilim alýda.
Ulttyq bıotehnologııa ortalyǵy — bıologııalyq beıindegi iri ǵylymı uıymdardyń biri. Ortalyq 25 sertıfıkattalǵan ǵylymı zerthanadan turady.
Munda Densaýlyq saqtaý mınıstrliginiń tapsyrysy boıynsha koronavırýsty dıagnostıkalaý úshin 11 myń PTR test-júıesi ázirlengen.
Buǵan deıin Bilim jáne ǵylym mınıstrligi habarlaǵandaı, Jambyl oblysynda koronavırýsqa qarsy vaktsına shyǵarady. Vaktsına shyǵaratyn bıofarmatsevtıkalyq zaýyt tıisti óndiristik tájirıbeniń (GMP) halyqaralyq standarty boıynsha ımmýnobıologııalyq dári-dármekter, onyń ishinde koronavırýs ınfektsııasyna qarsy vaktsına shyǵaratyn bolady.
Sondaı-aq kásiporynda pandemııalyq tumaýǵa, týberkýlezge, brýtsellezge, nodýlıarlyq dermatıtke, usaq kúıis qaıyratyn janýarlar obasyna, qoı men eshkiniń kontagıozdy ektımasyna, qoı sheshegine, qutyrmaǵa jáne basqa da juqpaly aýrýlarǵa qarsy vaktsınalar shyǵarylady.
Qurylys jumystaryn bıyl jeltoqsan aıynda aıaqtaýdy josparlap otyr. Jyl saıyn bıofarmatsevtıkalyq preparattardyń 60 mln dozasyna deıin óndirý kózdelgen.
