Pandemııa elektrondy kommertsııanyń damýyna serpin berdi – Atameken
NUR-SULTAN. QazAqparat – Pandemııa elektrondy kommertsııanyń damýyna serpin berdi. «Atameken» ulttyq kásipkerler palatasynyń basqarma tóraǵasynyń orynbasary Narıman Ábilshaıyqov osylaı dedi, dep habarlaıdy QazAqparat tilshisi.
«Birge kúsh sala otyryp, Nur-Sultan, Almaty jáne Shymkent qalalaryndaǵy saýda bazarlaryn jańǵyrtýdy 2023 jylǵa qaldyrý máselesi sheshildi. Bári de bul sheshimniń dál qazirgi jaǵdaıda qanshalyqty mańyzdy ekenin túsinedi. Alaıda pandemııanyń jaǵymdy jaqtary da bar. COVID-19 pandemııasy elektrondy saýdanyń jáne onlaın satylymnyń ósimine jol ashty», - dedi Narıman Ábilshaıyqov Saýda jáne ıntegratsııa mınıstrliginiń alqa otyrysynda.
Onyń aıtýynsha, karantın kezinde ınternet arqyly bólshek saýda kórsetkishi edáýir artqan.
«Ásirese dári-dármektiń, turmystyq zattardyń jáne azyq-túlik saýdasynyń ósimi baıqaldy. «Qazposhta» AQ málimetteri boıynsha, elektrondyq kommertsııa naryǵy 2020 jyldyń 1 jartyjyldyǵynda 435 mıllıard teńgege jetken. Bul bólshek saýda aınalymynyń 9,4%-yn quraıdy. 2020 jyldyń sońynda bul kórsetkish shamamen 900 mlrd teńgege jetti. 2022 jylǵa qaraı 1,9 trln teńgege jetedi degen boljammymyz bar. Karantın kezeńinde qolma-qol aqshasyz tólem operatsııalary edáýir ulǵaıdy», - dedi spıker.
