Pandemııa densaýlyq salasyn tsıfrlandyrýǵa kóbirek kóńil bólýge túrtki boldy - Ajar Ǵınııat
Jıynǵa TMD densaýlyq saqtaý salasyndaǵy yntymaqtastyq jónindegi keńestiń músheleri jáne Armenııa, Belarýs, Qazaqstan, Qyrǵyzstan, Reseı, Tájikstan, Túrkimenstan jáne Ózbekstannyń, Dúnıejúzilik densaýlyq saqtaý uıymynyń Eýropalyq óńirlik bıýrosynyń, ń ókilderi qatysty.
Jıynda Ajar Ǵınııat qazirgi Qazaqstan álemdik úrdisterden tys qalmaıtynyn jáne medıtsına salasy aýrýlardy anyqtaý, aldyn alý, den qoıý jáne baqylaý salasynda jańa bilimdi qalyptastyrý jáne praktıkalyq sharalar ázirleý úshin tsıfrlyq quraldardy belsendi paıdalanatynyn atap ótti.
«Pandemııa Qazaqstan úshin qoǵamdyq densaýlyqqa baılanysty tótenshe jaǵdaılarǵa daıyndyq jáne onymen kúres salasyndaǵy protsester men derekterdi tsıfrlandyrýǵa kóbirek kóńil bólýge túrtki boldy», - dep atap ótti A.Ǵınııat.
QR DSM-niń Elektrondyq densaýlyq saqtaýdy damytý departamentiniń dırektory Farhad Bekbolatov dóńgelek ústelge qatysýshylardy densaýlyq saqtaý júıesiniń barlyq deńgeılerinde pandemııamen kúresý úshin belsendi paıdalanylǵan, Qazaqstanda iske asyrylǵan birneshe tsıfrlyq jobalar týraly habardar etti.
«Qazaqstan Respýblıkasynyń elektrondyq densaýlyq saqtaýdy damytý strategııasy monopolııasyzdandyrý jáne ortalyqsyzdandyrý qaǵıdattaryna negizdelgen densaýlyq saqtaýdy aqparattandyrý salasyndaǵy sheshimderdiń ashyq naryǵyn qalyptastyrýǵa qaıta baǵdarlanǵan bolatyn», - dedi ol.
Búginde turǵyndar úshin patsıenttiń jeke kabınetindegi eGov elektrondyq úkimet portalynda jáne eGovMobile mobıldik qosymshasynda birqatar tsıfrlyq servıster iske asyrylǵan. Olar vaktsınatsııa pasporty, «Vaktsınatsııa», «vaktsınatsııaǵa jazylý», klınıkalyq qyzmetterdi kórsetý baǵyttary men nátıjeleri, elektrondyq retseptiler, aýrýhanaǵa jatqyzý joldamalary men úzindi kóshirmeler. Sondaı-aq, tsıfrlyq transformatsııa aıasynda eHealth elektrondy densaýlyq saqtaýdyń jańa sandyq arhıtektýrasyna kóshý jumystary bastaldy.
«Densaýlyq saqtaýdy tsıfrlandyrý salasyn transformatsııalaýdyń negizgi mindeti Mınıstrliktiń, onyń vedomstvolyq baǵynysty uıymdarynyń, medıtsınalyq uıymdardyń aqparattyq júıelerin biriktirý bolyp tabylady. Bul tsıfrlyq densaýlyq saqtaýdyń maqsatty arhıtektýrasyn qurý, derbes medıtsınalyq derekterdi ruqsatsyz jarııalaý jáne taratý qaýpin boldyrmaý jáne medıtsınalyq uıymdar arasynda klınıkalyq derektermen almasý úshin qajet», - dep F.Bekbolatov.
