Pandemııa bizdi tsıfrlyq saýattylyqqa úıretti – sarapshy
NUR-SULTAN. QazAqparat – Saılaýaldy úgit-nasıhat jumystary kezinde áleýmettik jelilerde tikeleı efır kóp júrgizilgen. Bul týraly Sailau Talks-2021 sharasynda Qazaqstan strategııalyq zertteýler ınstıtýtynyń bólim basshysy Alýa Joldybalına aıtty, dep habarlaıdy QazAqparat tilshisi.
«Partııalar úgit-nasıhat jumystaryn júrgizgen kezde áleýmettik jelilerdegi tikeleı efırdi paıdalandy. Áleýmettik jelilerdi jastar ǵana qoldanady dep oılaımyz, al shyn máninde aǵa býyn jelide belsendi. Olar smartfondy da, áleýmettik jelilerdi de, elektrondyq úkimetti de jaqsy paıdalana biledi. Pandemııa bizdi tsıfrlyq saýattylyqqa úıretti, sondyqtan partııalar áleýmettik jelide jastar ǵana emes, barlyq jastaǵy adamdar otyratynyn eskerýi kerek», - deıdi Qazaqstan strategııalyq zertteýler ınstıtýtynyń bólim basshysy Alýa Joldybalına.
Bul pikirdi saıasattanýshy Juldyzaı Ysqaqova da qostady.
«Koronavırýs pandemııasyna baılanysty saılaýaldy úgit-nasıhat jumystary onlaın rejımde de júrdi. Men 2020 jyly qazan jáne jeltoqsan aılarynda partııalardyń áleýmettik jelilerdegi belsendiligine qatysty kesteni qarap kórdim. Áleýmettik jelidegi partııalardyń belsendiligi óte joǵary boldy. Biraq áleýmettik jelini oryndy paıdalana almaǵan partııalar da boldy jáne ony qarajattyń jetispeýshiligimen baılanystyrdy. Áleýmettik jelide belsendi bolý úshin qarajattyń qajeti joq», - deıdi saıasattanýshy Juldyzaı Ysqaqova.
