Pandemııa «Bir beldeý – bir jol» bastamasynyń ómirsheńdigin kórsetti – Toqaev
«Sozylmaly pandemııa jaǵdaıynda «Bir beldeý – bir jol» bastamasy óziniń suranysqa ıe ekenin kórsetti. Búkil álem osynaý aýqymdy jobanyń jemisin sezindi. Beldeý men joldy ári qaraı da birlesip salýdyń jumystaryn belsendendirý mańyzdy dep esepteımin. Onyń ishinde qosylǵan qun salyǵy joǵary ónim shyǵarýǵa baǵyttalǵan iri jobalarǵa kóńil bólý qajet», -degen Prezıdent bul negizinen tsıfrlandyrý, jasyl tehnologııa jáne ınnovatsııalar salasyna qatysty ekenin eskertti.
«Bul salalarda Qytaıdyń tabysy aıqyn kórinip otyr. «Bir beldeý – bir jol» bastamasynyń negizgi býyny bolyp sanalatyn Qazaqstan Qytaı kóshbasshysy málim etken áriptestiktiń jańartylǵan ólshemderin jan-jaqty qoldaıdy. ıAǵnı jobalardyń joǵary standarttary men uzaq merzimdiligin, áleýmettik baǵdarlanýyn qoldaıdy», - dedi Memleket basshysy.
Shara barysynda QR Prezıdenti «Qytaı men Ortalyq Azııa halyqtarynyń dostyǵy» forýmyn ótkizý bastamasyna qoldaý bildirdi.
Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.
Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.
