Pandemııa bastalǵannan beri 13 myń kásipkerlik nysan jumysyn bastaı almaı otyr
«Bastapqyda bul ilki júıeni Almaty qalasynda qolǵa almaq bolǵan edik. Óıtkeni, bizde áli jumysyn bastamaǵan 13 myńnan astam kásipkerimiz bar. Onyń ishine kompıýterlik klýbtar, banket, boýlıng, bılıard zaldary kiredi. Osyǵan baılanysty atalǵan saladaǵy kásipkerlerdiń jumysyn jandandyrý maqsatynda ilki júıeni qolǵa almaqpyz. Osy aıdyń basynan Nur-Sultan men Almaty qalalarynda bul júıege 55-ten astam kásipker qatysýda. Jalpy platformada 8 myńnan astam kásipker tirkeldi. Bul jumysty kásipkerlermen júrgizip, 2 apta ishinde qorytyndysyn shyǵaramyz. Basqa kásipkerlik salalardy engizýge bolatyndyǵyn ne bolmaıtyndyǵyn zerdelegennen keıin bas memlekettik sanıtar dárigerge usynamyz», - dedi ol Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.
Onyń atap ótýinshe, bazarlarda, saýda-sattyq ortalyqtarynda, úı janyndaǵy dúkenderde mundaı QR-kodtardy engizýdiń esh qajeti joq.
Buǵan deıin, QR Tsıfrlyq damý, ınnovatsııalar jáne aeroǵarysh ónerkásibi mınıstrligi men Densaýlyq saqtaý mınıstrligi birlesip, eldegi epıdemıologııalyq jaǵdaı boıynsha derekterdi baqylaý jáne taldaý maqsatynda «Ashyq» qosymshasyn ázirlegenin habarlaǵan edik.