Pandemııa bastalǵaly álemde árbir altynshy jas maman jumysynan aıyrylǵan

NUR-SULTAN. QazAqparat – Pandemııa bastalǵaly beri álemde árbir altynshy jas maman jumysynan aıyrylǵan, al qalǵanynyń jumys kúni ortasha eseppen 23%-ǵa qysqarǵan. Bul týraly Halyqaralyq eńbek uıymynyń (HEU) jańa zertteýinde aıtylǵan, dep habarlaıdy QazAqparat BUU Jańalyqtar ortalyǵyna silteme jasap.

HEU-nyń bas dırektory Gaı Raıder el úkimetterin ekonomıkany qalpyna keltirý jáne adamdardy jumys ornyna qaıtarý úshin shuǵyl sharalar qabyldaýǵa shaqyrdy. Basqalarǵa qaraǵanda, Soltústik jáne Ońtústik Amerıkanyń, sonymen qatar Eýropa jáne Ortalyq Azııa elderiniń turǵyndary kóp zardap shekken. Sondaı-aq, jastar arasynda ózderiniń osal toptary bar: áıelder erlerge qaraǵanda jumys oryndaryn kóp «joǵaltady». Kóptegen elde olar ekonomıkanyń beıresmı sektorynda jumys isteıdi. Mysaly, kútýshi nemese úı kómekshisi jáne t.b. Oqshaýlaý rejıminiń engizilýine baılanysty olardyń kópshiligi jumysynan aıyryldy.

Pandemııaǵa deıin de búkil álem boıynsha jastar arasyndaǵy jumyssyzdyq deńgeıi joǵary boldy. Bul kórsetkishter tipti 2008 jylǵy qarjylyq daǵdarysy kezeńindegiden de nashar, ol 13,6%-dy quraıdy, ıaǵnı 267 mln jas jumyssyz jáne oqymaǵan. Qazir jaǵdaı tipti tómendedi.