Panasyz janýarlarǵa qamqor ıeler: SQO-da qutqarýshylar erekshe aktsııa bastady

PETROPAVL. KAZINFORM — Soltústik Qazaqstan oblysynyń órt sóndirýshileri men qutqarýshylary janýarlar panajaıymen birlesip, erekshe bastama kóterdi.

Panasyz janýarlarǵa qamqor ıeler: SQO-da qutqarýshylar erekshe aktsııa bastady
Foto: SQO TJD

Petropavldaǵy kásipker Andreı Isakovtyń qańǵyrǵan ıt-mysyqqa arnalǵan panajaıy búginde tolǵan. 500 ıt pen 200 mysyqqa arnalǵan ortalyqta qazir janýarlar sany úsh ese kóp.

SQO Tótenshe jaǵdaılar departamentiniń qyzmetkerleri endi ıesiz qalǵan ıt-mysyqtardy kópshilikke tanystyryp, olarǵa qamqor bolatyn jańa otbasy tabýǵa kómektespek. 

Vedomstvonyń baspasóz qyzmetiniń málimetinshe, bastama aıasynda panajaıdaǵy janýarlardyń árqaısysyna arnap beınerolıkter túsirilip, erekshe fotosessııa uıymdastyryldy.

Panasyz janýarlarǵa qamqor ıeler: SQO-da qutqarýshylar erekshe aktsııa bastady
Foto: SQO TJD

Qutqarýshylar janýarlardy tanystyryp, minezin, súıkimdiligin kórsetýge tyrysty.

Panasyz janýarlarǵa qamqor ıeler: SQO-da qutqarýshylar erekshe aktsııa bastady
Foto: SQO TJD

Aldaǵy ýaqytta osy fotosýretter negizinde jańa jyldyq kúntizbe shyǵarý josparlanyp otyr. Bul jaı ǵana merekelik kádesyı emes, panajaıdaǵy janýarlarǵa nazar aýdartyp, olardyń arasynan ózine serik izdegen jandardy tabýǵa múmkindik beretin joba bolmaq.

Panasyz janýarlarǵa qamqor ıeler: SQO-da qutqarýshylar erekshe aktsııa bastady
Foto: SQO TJD

Qutqarýshylar úshin bul — kezdeısoq bastama emes. Qyzmet barysynda olar talaı ret mysyqtar men ıtterdi, qustardy ajal aýzynan aman alyp qalǵan.

Ásirese 2024 jylǵy sý tasqyny kezinde mamandardyń kómegi kópke qajet boldy. Petropavldaǵy sý basqan úılerden júzdegen úı janýary qaýipsiz jerge kóshirildi.
Bul jolǵy bastamanyń ereksheligi — janýarlardy bir sáttik qaýipten qutqarýmen shektelmeı, olarǵa qamqor ıe tabýǵa kómektesý.

Buǵan deıin Pavlodarda jyrtqysh janýardyń shabýylyna ushyraǵan jaraly aqqý qutqarylǵanyn jazǵan edik.