Panamanyń burynǵy dıktatory qaıtys boldy
ASTANA. QazAqparat - Panamany 1983-1989 jyldar aralyǵynda basqarǵan general Manýel Norega 83 jasynda qaıtys boldy. Bul týraly AFP agenttigi úkimettiń ókiline silteme jasap málimdedi, dep habarlaıdy TASS.
«Norega myrza búgin túnde kóz jumdy», - dedi agenttiktiń derekkózi.
Panamanyń prezıdenti Hýan Varela Twitter-degi paraqshasynda generaldyń ólimine qatysty: «Manýel Noreganyń ólimi bizdiń tarıhymyzdyń bir bólimin japty»,- dep pikir bildirgen.
Buryn habarlanǵandaı, burynǵy kóshbasshy bas súıegine birneshe ota jasatyp, jasandy komaǵa túsken bolatyn.
Manýel Norega 1983-1989 jyldary Panamany basqaryp, AQSh-tyń aralasýymen bılikten shettetildi. Ol oppozıtsııa jaqtaýshylaryn jappaı óltirgeni úshin aıyptaldy. 2011 jyly burynǵy kóshbasshy Frantsııadan Panamaǵa ekstradıtsııalanyp, túrmege qamaldy. Panama soty qańtar aıynda Noreganyń bas súıeginde isik bolýyna jáne oǵan ota jasalýyna baılanysty buryńǵy basshyny úı qamaýyna aýystyrýǵa ruqsat etti.
