Panamada denge bezgeginen alty adam qaza tapty
ASTANA. QazAqparat - Jyl basynan beri Panamada denge bezgegin juqtyrý saldarynan alty adam qaza tapqan. Bul týraly osy eldiń bılik ókilderi habarlaǵan, dep jazady ITAR-TASS.
Elde qazir asa qaýipti aýrýmen shuǵyl kúresý sharalary qolǵa alynyp jatyr. Panama Densaýlyq saqtaý mınıstrliginiń resmı ókili Aleks Gonsales habarlaǵandaı, qaıtys bolǵan tórt adam respýblıka astanasynyń turǵyndary bolyp shyqty. Onyń aıtýynsha, bul elde ótken jyly bezgek dertin 3 myńnan asa adam juqtyrǵan, olardyń beseýi ajal qushqan.
Eldiń sanıtarlyq sala ókilderi denge indetiniń jaıylyp bara jatqanyn jarııalap, qaýipti aýrýmen kúresý sharalaryn qolǵa aldy. Aımaqtarda osy dertti taratatyn masa túrin joıý jumystary júrgizilip jatyr.
Atalmysh syrqatpen naýqastanǵan aýrýlar sanynyń kúrt ósýi Ortalyq Amerıka men Meksıka elderinde baıqalǵan. Bul memleketterdiń bıligi de qaýipti vırýspen kúresý josparlaryn júzege asyrýda, olardyń kóbisinde osy dertke qatysty «sanıtarlyq dabyl» jarııalanǵan.
