Panamada 6,1 baldyq jer silkinisi boldy
ASTANA. KAZINFORM — Panamanyń ońtústiginde 6,1 baldyq jer silkinisi tirkeldi, dep habarlaıdy Kazinform AQSh Geologııalyq qyzmetine (USGS) silteme jasap.
Jer silkinisi 12 qazanda UTC ýaqytymen saǵat 23:20–da (Astana ýaqytymen 13 qazanda saǵat 04:20–da) bolǵan. Jerasty dúmpýleriniń epıtsentri Rıo-Grande qalasynan batysqa qaraı 17 shaqyrym jerde ornalasqan, tereńdigi 11 shaqyrymdy qurady.
Merkallı shkalasy boıynsha jer silkinisiniń kúshi VII balǵa (óte kúshti) jetken. Eskertý júıesinde jasyl deńgeı belgilengen.
Zardap shekkender men qıraǵan nysandar týraly ázirge aqparat túsken joq. Aıta keteıik, buǵan deıin, juma kúni de Panamanyń ońtústiginde kúshti jer silkinisteri tirkelgen edi.
Bul jer silkinisi juma kúni Panamanyń ońtústiginde bolǵan magnıtýdasy 7,7 jáne 6,6 bolatyn eki qýatty jerasty dúmpýinen birneshe kún ótken soń tirkeldi. Ol kezde epıtsentrge jaqyn ornalasqan ǵımarattar qırap, eldiń birqatar óńirinde turǵyndar qaýipsiz jerge kóshirilgen. Sondaı-aq negizgi dúmpýlerden keıin de birneshe márte qaıtalama jer silkinisteri bolǵan.
Buǵan deıin Solomon araldarynda da magnıtýdasy 6,1 baldyq jer silkinisi tirkelgenin habarlaǵan edik.
