Panama quramasynyń shabýylshysy «Aqtóbe» komandasynyń sapyna aýysty

ASTANA. KAZINFORM – Panamalyq fýtbolshy Freddı Elıas Gondola Smıt «Aqtóbe» fýtbol klýbynyń oıynshysy atandy. 

28 jastaǵy Panama qalasynyń týmasy sporttyq mansabynda óz elindegi «Ýnıversıtarıo» jáne «Taýro» klýbtarynda oınaǵan. Sondaı-aq Gondola kosta-rıkalyq «Alahýelense», «Belen», venesýelalyq «Deportıvo Tachıra», «ıArakýıanos», meksıkalyq «La-Pedad» jáne ızraıldik «Makkabı Bneı Reıne» klýbtarynda óner kórsetip, 50-ge tarta goldy enshisine jazǵan.  

Ol – Venesýela chempıonatynyń jeńimpazy, Kosta-Rıka kýbogynyń jáne KONKAKAF Ortalyq Amerıka kýbogynyń ıegeri. Lıbertadores kýbogyna qatysyp, 6 oıynda úsh doppen kózge túsken. 

2021 jyldan bastap Panama ulttyq quramasyna shaqyrtý alǵan. Búginge deıin qurama sapynda 21 oıyn ótkizip, 1 goldyń avtory atandy. Jaqynda AQSh-ta ótken Amerıka kýbogynda quramasymen birge shırek fınalǵa deıin jetken. Freddı atalǵan týrnırde bir nátıjeli paspen kózge tústi.