Panama kanalynyń sýy tartylyp jatyr

Kanaldaǵy sý deńgeıi normadan 1,8 metr tómen. Jańbyrly qarasha jaǵdaıdy birshama jaqsartty, dese de sý kúre jolynan buryn kúnine 38 keme júzse, qazirgi kezde nebári 24 keme óte alady. Kazinform agenttigi bul týraly ilcapital.ru-ǵa silteme jasap habarlaıdy.

Qýańshylyq kezeńge deıin Panama kanalynan álemdik teńiz saýdasy jalpy kóleminiń 3%-y, sondaı-aq Soltústik-Shyǵys Azııadan AQSh-qa konteınerlik tasymaldardyń 46%-y ótetin.

Qurǵaqshylyq pen jahandyq jylyný saldarynan kanal sýy taıyzdanyp, oǵan sý keletin Gatýn kóli de tym tez sarqylyp barady.

Panama kanalyndaǵy sý deńgeıiniń tómendigi máselesin sheshýge bolady, biraq ony Indıo ózeninde bóget salý, sonymen qatar Gatýn kólin sýmen toltyrý úshin arnaıy týnnel burǵylaý arqyly ǵana sheshýge bolady. Ol úshin biraz jyldar qajet.

«Sonymen qatar tehnıkalyq qıyndyqtardan basqa, saıası jáne áleýmettik máseleler týyndaıdy: jerlerin sý basatyn myńdaǵan fermerler men rancho ıeleri buǵan qarsy turý úshin birigip jatyr», — dep jazady Bloomberg.