Pan Gı Mýn: Taıaý Shyǵys taǵy bir soǵysty kótere almaıdy

ASTANA. QazAqparat - BUU Bas hatshysy Pan Gı Mýn Izraıl men palestınalyq ókilder dereý kelissózder júrgizýi tıis ekenin atap ótti. Onyń sózine qaraǵanda, taǵy bir áskerı qaqtyǵys óńir úshin apatty saldardy alyp keledi.

BUU Qaýipsizdik keńesiniń otyrysynda Bas hatshy zorlyq-zombylyqtan kóbinese beıbit turǵyndar zardap shegetinin sóz etti.

Budan buryn Mysyr jaraqat alǵandardy tasymaldap, emdeý úshin Gaza Sektorymen shekarany ashty.

Palestınalyq bıliktiń habarlaýynsha, onyń aýmaǵynda qurban bolǵan turǵyndardyń sany 100-ge jetip qaldy, dep jazady VVS.

Gaza Sektory men Izraıl arasyndaǵy zymyrandyq soqqylar tórtinshi kúnge jaǵasyp otyr.